Embedded Files
Icelandic Online – Börn er líflegur og litríkur kennsluvefur sem inniheldur skemmtilegar þrautir, sögur og myndbönd sem henta vel þeim sem eru að taka fyrstu skrefin í lestrarnámi. Vefinn má nota í tölvum, símum og á spjaldtölvum – alveg ókeypis.
Prófa Icelandic Online - Börn.
Yfir 300 æfingar!
Á vefnum eru sjö námskeið á mismunandi þyngdarstigum sem innihalda yfir 300 æfingar.
Í fyrstu tveimur námskeiðunum er lögð áhersla á tæknina við að lesa, þ.e. að tengja hljóð við stafi og að læra að þekkja smáorð (sjónorð).
Í námskeiðum þrjú til sjö er áherslan á tengingu stafa í stutt orð og setningar í merkingarbæru samhengi.
„Icelandic online - Börn hefur nýst nemendum okkar vel þar sem námsefnið er einstaklega aðgengilegt og vel skipulagt. Það hentar sérstaklega nemendum sem eru á forstigi íslensku sem annars tungumáls og hefur einnig nýst nemendum allt upp í miðstig hjá okkur.“
- Jóhanna Reykjalín, grunnskólakennari við Djúpavogsskóla
„Tær snilld fyrir íslensk börn í útlöndum.“
- Fjóla Dögg Helgadóttir, foreldri
„Íslenska á netinu (Icelandic Online) fyrir börn er mikilvæg viðbót við námsefni sem er í boði fyrir sífellt stækkandi hóp barna með erlendan bakgrunn í skólakerfinu.“
- Lilja Dögg Alfreðsdóttir, þáverandi menningar- og viðskiptaráðherra
Skemmtilegir vinir
Æfingarnar eru tengdar saman með söguþræði og sömu persónur fylgja nemendum út námskeiðin.
Aðalpersónurnar eru dýr sem finnast í íslenskri náttúru. Refurinn Ari, lóan Lóa, ánamaðkurinn Ása og hreindýrið Hreinn.
Þessar skemmtilegu söguhetjur lenda í ýmsum ævintýrum sem spennandi er að fylgjast með.
Kennslufræði
Kennslufræði
Aðferðafræði Icelandic Online – Börn styðst við rannsóknir á grunnþáttum læsis og raunprófuðum kennsluaðferðum á fyrsta stigi læsis barna sem eru að tileinka sér málið á sama tíma.
Grunnáherslur í kennslunni eru tengsl hljóða og tákna, sjónorð, lesskilningur og lesfimi, orðaforði sem tengist heimi barna og einföld setningagerð.
Kennslan byggist á þeim meginreglum að textar hvetji til lesturs; stafir, orð og einfaldar setningagerðir séu kennd til að þjálfa bæði íslensku og lesfimi og séu kenndar í merkingarbæru samhengi með hjálp söguþráðar og skemmtilegra persóna.
Opnun
Opnun
Lilja Dögg Alfreðsdóttir, menningar- og viðskiptaráðherra opnaði kennsluvefinn Icelandic Online fyrir börn við hátíðlega athöfn í Vigdísarstofu í Veröld – húsi Vigdísar þann 18. apríl, á fyrsta degi Barnamenningarhátíðar Reykjavíkur 2023.
Skólabörn úr 5. og 6. bekk Landakotsskóla voru sérstakir gestir við opnunina og sungu tvö lög við ljóð Þórarins Eldjárns.
Teymi
Teymi
Verkefnisstjóri: Birna Arnbjörnsdóttir
Ritstjóri: Halldóra Jóhanna Þorláksdóttir
Handrit: Halldóra Jóhanna Þorláksdóttir, Þorgerður Anna Björnsdóttir og Birna Arnbjörnsdóttir
Verkefnastjóri hugbúnaðar- og forritunarvinnu: Úlfur Alexander Einarsson
Forritunarteymi: Anna María Steingrímsdóttir, Guðlaug Agnes Kristjánsdóttir, Gunnar Dofri Viðarsson, Júlía Hermannsdóttir, Saga Rut Sunnevudóttir, Sara Ósk Þorsteinsdóttir, Sigurður Birkir Sigurðsson og Þröstur Almar Þrastarson
Grafísk hönnun og myndskreytingar: Bjarney Hinriksdóttir
Myndbandagerð, hljóðupptökur og hljóðvinnsla: Davíð Hólm Júlíusson
Talsetning: Jón Bergsteinn Auðarson, Júlía Hermannsdóttir, Kristín Jónsdóttir, Rebekka Þráinsdóttir, Þorgerður Anna Björnsdóttir og Þorri Elís Halldóruson
Yfirlestur og villuprófanir: Bergur A. H. Jónsson, Diljá Þorbjargardóttir og Þorri Elís Halldóruson
Ráðgjöf: Menntamálastofnun, Hulda Karen Daníelsdóttir, Renata Emilsson Pesková, Sigríður Sigurjónsdóttir, Ragnhildur Sigurðardóttir, Branislav Bédi, Kolbrún Friðriksdóttir og Úlfar Bragason
Vefurinn er hýstur hjá Tungumálamiðstöð Háskóla Íslands. Um tækniumsjón sér Sara Ósk Þorsteinsdóttir.
Page updated
Google Sites
Report abuse